Wednesday, September 9, 2009

A La Mode قرقيعان

ما هو القرقيعان؟


عاده شعبيه رمضانيه توارثتها الأجيال عند أهل الخليج
يقومون فيها الأطفال بالتجوال بين البيوت و الغناء بملابس شعبيه و اكياس معلقه على رقبتهم لجمع الحلوى و المكسرات
البعض يقول ان كلمة قرقيعان مستوحاه من "القرع على الباب" أو من "قرة العين" لكثرة تواصل الناس في هذا الشهر الفضيل
الدافع الأساسي وراء هذه العاده هو نشر البهجه و روح التعاون و العطاء والمساواة بين الفقير و الغني

Basically..

نفهم ان هذه العاده البسيطه تونس اليهال في نص شهر رمضان
يغنون فيها, يتجمعون, يلبسون هدوم شعبيه, يجمعون حلاو, نستانس فيهم على كثر وناستهم

ف

شماله امهات يطرشون هدايا باسم عيالهم حق خالتي فلانه و فلنتانه؟؟

شماله قرقيعان ما فيه حلاو حتى اليهال ما يستانسون فيه؟

شماله الاسراف والتبذير اللي ماله اي داعي؟

شماله كل وحده اتشيحط على الثانيه بقرقيعان عيالها؟

هذا مستوى شي الواحد اتشيحط فيه؟

!!!يالله الجنه.. مادري صار عالم ولا دكتور.. اقصاه قرقيعان


..استحوا!!! والله فشله

الكل قام يتنافس و يسوي قرقيعان من اقدعها ماركه.. و هذا الميدان يا حميدان
..!!! اللي يجيبونه من لندن واللي من باريس واللي من كان


بس باللأخير اليهال ما راح يفرقون بين الحلاو المحلي و المستورد

ولا يدرون وين الله قاطهم

والسلال والجناط كلها بتوزع

عيل معناته يا فلانه ثبتي و تحجي عن قرقيعاني اللي ما صار ولا دار

لو متبرعه اب هالكم فلس (الف) اللي فسفستيهم على ولا شي مو أحسن؟

و أستر؟

وأرقى؟

هذا الشي الوحيد اللي باقي من عاداتنا حق اليهال

!!!ليش خربتوه؟؟؟

ترى ماكو احلى من البساطه

و يا عيني عالبســــــــــــــاطه






8 comments:

Anonymous said...

salim waladhom yallaahh khallah l'ummah yallaahh lol

Anonymous said...

Sa7 elsaaaanek ...

Miznah said...

Anony,

9a7 ibdinik!

The Simper said...

now there is CORPORATE girge3an too ;)

could you analyze that ? your comments plz? :P

suspic said...

The kids never get the candy that's in their name, mind you.

"La tjeesa! Hatha 7alaw khaltik!"

Miznah said...

Simper,

blukh..
but I'm sure it's way much cheaper and simpler than the personalized ones.

fatwiti: all personalized gergee3ans fall under "bid3a" o kel bid3a thalala o kel thalala madri shino.. lol




suspic,

loool exactly!.. what's the point then!

The Simper said...

do u work in KFH?? :P

Miznah said...

Simper,

I don't work for anyone :)