مو من قديم الزمان
كان فيه وحده مع زوجها
عايشين بسلام
والحياه حلوه و ماشيه تمام
والحمد لله
في يوم من الأيام
جايه الزوجه تطلع من البيت
سألها الزوج: يا فلانه وين رايحه؟
الزوجه: رايحه عند رفيجاتي فلانه و فلانه
الزوج: الله معاج
طلع الزوج من بعد ما طلعت مرته عنده كم شغله بيخلصها
وهو بالشارع راكب سيارته
ويلمح سياره تشبه سيارة زوجته
دقق أكثر في لوحة السياره ولا اهيه فعلا سيارة زوجته
قام الأخ من حسن نيه و دق عليها
يرن يرن يرن التليفون
بس ما ترد
مره.. مرتين..ثلاثه
محد يرد
قعد يحاتيها الريال و من فضوله لحقها
وراها وراها
لين وصلت و اسفطت عند بيت ما قط مر عليه
نزلت الزوجه و دخلت هالبيت
الزوج استغرب.. بس تعوذ من ابليس و مشا
كلمته عقب ساعتين
الزوجه: هلا حبيبي.. ها وينك؟
الزوج: بالبيت
الزوجه: أوكي انا بالطريج يايه
وصلت الزوجه البيت، سلمت عليه و دشت الحمام
الزوج مو قادر يصبر
قوم و فتش جنطتها
لقى شيك بإسمها
بمبلغ مش بطال
موقع من قبل واحد
من أكبر رجالات البلد
و أكثرهم مال و صيت
استغرب الزوج و حس بضيقه في صدره
قام يقلب الامور في راسه
و كونها اهيا كذبت عليه
وما كانت ترد عليه
و شافها بعيونه تدخل بيت غريب
ما لقى لهذا الشيك إلا تفسير واحد
وهو الخيانه
وبفلوس
قام الزوج و حصل رقم زوجة فلان آل فلاني
دق عليها
الزوج: آلو.. انا فلان
ودي اكلمج بموضوع مهم
قالتله تفضل تكلم
قال لها الزوج: لا هذا شي ما ينقال على التليفون
ولازم اشوفج الحين
المهم وافقت بعد اقناع
راح لها الزوج و قال لها السالفه من طقطق ل سلام عليكم
و انا ما ابي مشاكل و ودي بالستر و.. و.. و
الزوج يدري ان زوجة فلان آل فلاني مو هينه أبداً أبداً
وراح تتصرف بطريقتها الخاصه
المهم
اصبحنا يوم ثاني
والزوجه رايحه الدوام
ما تواعي إلا المدير مناديها
راحت و لقت صدمة عمرها
زوجة فلان آل فلاني جدامها
حاطه ريل على ريل
تنطرها والشر بعينها
عاد ياها كلام ما يسر من سب و تهديد
بالعربي هزأتها
جدام اللي يسوى واللي ما يسوى
الزوجه انهارت
ردت البيت و وجهها معتفس
وعيونها مغورقه
سألها الزوج: شفيج؟؟
قالتله: ما فيني شي.. بس تعبانه من الدوام و مشاكل الشغل
عقب ساعه
شافها الزوج مره ثانيه
متضايقه و عيونها حمر
سأل مره ثانيه.. شفيييييج؟
قالت: لا سلامتك حبيبي بس ارهاق بسيط
قال الزوج: اللللللللله.. كل هذا عشان ما راح تشوفين فلان آل فلاني مره ثانيه!!؟
تتوقعون ضاق خلقها و حست على عمرها و نزلت عيونها خجلانه من الفضيحه؟
لاااااااا
يا ... ما يهزك ريح
بققت عيونها على زوجها
جان تنهد عليه
بصراخ وتنزر
الزوجه: يوم انك تدري ليش ما واجهتني و فكيتني!!! افففففففف
........ايا بنت ال
عاد مادري شسوى اهو فيها
بلوه هالحريم
!!!!الله لا يبلينا
القصه 99% واقعيه
5 comments:
ma 3indah salfa ilzooj! laish ma ywajihha min il awal? laish ra7 fetha7 murtah 3ind ilnas?! 7maar
Hay Anonymous .. Wait a SECOND !!
R u blaming the man .. who is the one to blame Seriously u shocked me !
She is "....." 3azech ALLAH and u r defending her please elaborate!!
shako blaming the man?
I disagree i admire the man he is smart, calm and i love the fact that he ruined her life...
Bravo i think the usual all scenario would b beating her
up like i don't know what cuz no one can b beaten up cuz he is not god to punish ppl but we as human can only
Revenge !!!
who's who?
Post a Comment