...انتي انفاسك دخون

مع البرد.. مع اني ما أحبه لاني مبراد

بس كل شي فيه يحلى

اللبس

البخور

العود

..

وأشياء وايده

..

كنا نسولف عن انواع البخور و العود

وسألني

من وين تجيبين بخورك؟

انا: من جدتي

والعود والطيب؟

..هم من جدتي

سألني: تبيع؟

(غشيت من الضحك)

!لأ طبعا

انزين.. من وين انحصل على هالعود وهالبخور؟

همم..مادري من وين اتحصله بس اجيبلك مو مشكله

تبي حق البيت ولا حقك؟

شالفرق؟

وايد فرق.. اذا حق البيت بخور عادي

واذا حقك مو عادي

ابجكم اللي مو عادي؟

your budget يعتمد على

(صفن)

شالفرق بين العادي واللي مو عادي؟

الفرق الله يسلمك بالنوعيه و الثقل و اللون والريحه

!كل شي

مال البيت وايد ارخص

من وين اجيبون احسن انواع البخور؟

احسن احسن؟

ايه

الهند

بس وايد نادر و هالايام هابين يغشون الناس

يجيبون كمبودي ولا بورمي يقولك هندي

!اوخ

(يستعبط)

شلون اعرف؟

من الريحه و الثقه باللي يبيعلك اكثر

..بس دير بالك.. يحطلك كسره تشمها وتقول يا سلام تقوم و تشتريه

ترى مرات يصبغونه لون بني غامق عشان يبين من النوع الطيب

ولا عشان يثقلونه, يرشونه ماي

او يحشونه اب قطع صغيره من الرصاص او الحديد

ولا تلقاه مخلوط اب مواد

ولين

ok.. فيه hints

عشان تعرف اذا مغشوش او لأ

اللي اهما؟

اولا لما تشب الكسره

اذا كان من النوع الزين

الدهن اللي عليها يبقبق و فقاعاته وايده

و ثاني شي.. لون الدخان يكون فيه زروقه شوي

!ولما تتبخر فيه عيونك ما تدمع

(عطست.. 3 مرات)

يرحمج الله! شهاده

يهدينا و يهديك الله

انزين

ليش الهندي اغلى و اندر؟

(تنهدت)

شوف.. البخور اصلا شجر قديم قديم مره بالحيل

(ضحك)

تجيله حشرات تاكل فيه

تقوم الشجره و تفرز ماده قويه عشان تذبحهم

ياخذله فتره process طبعا هال

(احاول اركز عشان ما اخوره)

و يتشرب الخشب من هذه الماده الدهنيه

هني يتكون البخور اللي نعرفه

كل ما طال عمر الشجره و تشربت اكثر

كل ما زاد سعرها

وكل ما كانت الشجره اعلى بالجبل و في مناخ معين

كل ما صارت احلى و اثقل

و بالهند بالذات

الجو والبيئه وايد يساعدون

آه اوكي.. يعني لو ما يو الحشرات و انبشوا جان ما عندنا بخور؟

(smile)

well.. if you put it this way

yes!

والعود؟

(نهده ثانيه)

اوكي.. ركز معاي

ok

لما يكسرون خشب العود اللي اهو البخور

وينظفونه من الاجزاء اللي مو حايشها الماده المفرزه

ok

يتم تجميع هذا الخشب

بعدين يدقونه, يطحنونه, اللي هو

powdery لما يصير

يحطونه بالماي لمدة شهر تقريبا لما يتخمر

ينشرب؟

(ضحكت و طالعته بنظره)

المهم

يقوم الدهن اللي بالخشب يطفح

oh

يسون له عملية تقطير على النار

details ما اعرف ال

آخرتها يصفون الدهن من الماي

ويطلعلك دهن العود

oh wow

yeah

(استرسلت)

عاد اذا استعملوا الخشب اللي متشرب حيل بالماده لصناعة دهن العود

سعره بيكون خيالي

و هذا احسن نوع

اما الانواع اللي بالسوق اغلبها من الخشب اللي مو متشرب وايد

والله السالفه طواله يبيلها و مقاقه

not really

اذا تعرف اللي تبيه

السالفه سهله جدااااا

انزين.. انا بروح ادورلي على بخور و عود

وبتفلسف شوي

can I borrow your nose for the day?

بس؟